სასექსის ჰერცოგსა და ჰერცოგინიას 2020 წლის გაზაფხულიდან აღარ შეეძლებათ “SUSSEXROYAL”-ის სახელის გამოყენება მათ მიერ ბიზნეს, სოციალურ და საქველმოქმედო საქმიანობებში. ამის შესახებ წერს BBC-ი.

ინფორმაცია მას შემდეგ გაცხადდა, რაც გავრცელდა, რომ ჰარისა და მეგანს სამეფო ვალდებულებები 2020 წლის 31 მარტს შეუწყდებათ ოფიციალურად, რაც იმას ნიშნავს, რომ ისინი სამეფო ოჯახის საქმიანობებს უკვე საბოლოოდ ჩამოშორდებიან.

მეგანისა და ჰარის წარმომადგენლის თქმით, მონარქის ოჯახის კანონებიდან გამომდინარე, წყვილი ტერმინ „ სამეფოს“ გამოყენებას ვერ შეძლებენ ვერც ერთ ლეგალურ საქმიანობაში. მედიის ინფორმაციით, სამეფო ოჯახის წევრობის სტატუსზე უარის გამო წყვილი ვერ გამოიყენებს “SUSSEX ROYAL FOUNDATION“ -ის სახელს, რადგან მათ აღარ აქვთ ამ სტატუსით მოქმედების უფლება.

წყვილმა Sussex Royal-ის ბრენდული ნიშანი გასული წლის ივნისში შეიძინა და ამ სახელს იყენებს საიტზეც და სოციალურ მედიაშიც, თუმცა 31 მარტის შემდეგ, მათ სახელის შეცვლა მოწუევთ ბრენდისთვის.