''ივანიშვილის მიერ განულებული სესხები გაცოცხლდა?''

''ივანიშვილის მიერ განულებული სესხები გაცოცხლდა?'' - საიტი vali.ge აღარ არსებობს”

საზოგადოება - 11:21, 21 Feb, 2020

3705

მიმდინარე კვირაში უკვე მესამე შემთხვევაა, როდესაც ამომღები კომპანიები უკავშირდებიან ადამიანებს იმ ვალების ამოღებაზე რომელიც წესით ქართუ ფონდმა გაანულა vali.ge -ს საიტით.

ერთი შემთხვევა უკვე სასამართლოშია, ანუ ქართუ ფონდის მიერ განულებულ სესხზე სარჩელი სასამართლოშია გამსესხებლის მიერ შეტანილი; ორი შემთხვევა ჯერ სატელეფონო კონტაქტის დონეზეა.

ამ ფაქტთან დაკავშირებით სოციალურ ქსელში ერთ-ერთი მომხმარებელი წერს :

‘’მოკლედ, აქ რაღაცაშია საქმე, კერძოდ: – ან ქართუ ფონდი ბლეფაობს (უკიდურესად დაბალ ფასად გამოისყიდა სესხები, ხალხს უთხრა, რომ გაგინულეო და სინამდვილეში არც არაფერი მომხდარა) – ან გამსესხებლებმა მიუხედავად პორტფელის გაყიდვისა, ხელახლა დაიწყეს განულებული სესხების ამოღება.

ამასობაში vali.ge -ს საიტი აღარ არსებობს და განულების ცნობაც კაციშვილს არ აქვს.

აი ასე, საარჩევნო პერიოდმა გაიარა და განულებული სესხები გაცოცხლდა როგორღაც ?! (ეს კითხვაა და არა დასკვნა).’’ - წერს ერთ-ერთი მოქალაქე სოციალურ ქსელში.

აღნიშნულ პიროვნებას სოციალურ ქსელში ეხმაურებიან სხვა მოქალაქეებიც, რომლებმაც აღნიშნულ ფაქტზე უკმაყოფილება გამოხატეს.