აშშ-ის პრეზიდენტმა, დონალდ ტრამპმა სამხრეთ კორეული ფილმი „პარაზიტი“ გააკრიტიკა, რომელმაც ''ოსკარის''ცერემონიაზე საუკეთსო ფილმის წოდება მიიღო.

აშშ-ის პრეზიდენტმა აღნიშნული განცხადება კოლორადოს შტატში სიტყვით გამოსვლისას გააკეთა.

„რა ცუდი იყო კინოაკადემიის დაჯილდოვება წელს, ნახეთ? და გამარჯვებულია... ფილმი სამხრეთ კორეიდან“,- განასახიერა ტრამპმა წამყვანი.

მისივე თქმით, აშშ-ს სამხრეთ კორეასთან საკმაოდ ბევრი პრობლემა აქვს.

„ეს საერთოდ რა ჯანდაბაზე იყო? ჩვენ ისედაც საკმარისი სავაჭრო პრობლემები გვაქვს სამხრეთ კორეასთან და ამ ყველაფრის ფონზე მათ საუკეთესო ფილმის ჯილდო მიანიჭეს?“- განაცხადა ტრამპმა.

შეგახსენებთ, რომ „პარაზიტი“ პირველი უცხოური ფილმია, რომელმაც კონოაკადემიის ჯილდო მოიპოვა საუკეთესო ფილმის ნომინაციაში.