რუსულმა ავიაციამ თურქეთის შეიარაღებული ძალების პოზიციებზე მიიტანა იერიში. ტვიტერში ვრცელდება ვიდეოკადრები სადაც ასახულია, თუ როგორ ბომბაბს რუსული მოიერიშე ბომბდამშენი ანკარის მიერ კონტროლირებადი სამხედრო ძალების არტილერიისა და ჯავშანტექნიკის პოზიციებს იდლიბის რეგიონში.

თურქეთის თავდაცვის სამინისტროს ინფორმაციით, რუსული ავიაციის თავდასხმის შედეგად მოკლულია 2 თურქი ჯარისკაცი და 5 მძიმედაა დაჭრილი.

რუსული მედიის ინფორმაციით, სუ-24-ის დამრტყმელი ჯგუფის იერიშების შედეგად განადგურებულია 1 ტანკი და 6 ქვეითთა საბრძოლო მანქანა სხვადასხვა სამხედრო მოწყობილობებთან ერთად.

სირიის მედიასაშუალებები ავრცელებენ ინფორმაციას, რომ რუსული ავიაციის დახმარებით მოხერხდა თურქული არმიისა და ოპოზიციის გასამხედროებული ჯგუფების წინსვლის შეჩერება, რომელთა მიერ რამდენიმე საათის წინ დაწყებული შეტევის შემდეგ მოხერხდა ოფიციალური „დამასკოს“ შეიარაღებული ფორმირებების მიერ მოწყობილი თავდაცვითი ზღუდეების გარღვევა დასახლებულ პუნქტ ნაირაბში.

რუსეთისა და სირიის თავდაცვის უწყებები მოუწოდებენ თურქებს, შეწყვიტონ ოპოზიციის მხარდაჭერა და სამხედრო აღჭურვილობით მომარაგება.