თურქულმა შეიარაღებულმა ძალებმა დაიწყეს სამხედრო ოპერაცია იმ ტერიტორიების გასათავისუფლებლად, რომლებიც რამდენიმე დღის წინ რუსეთის მხარდაჭერილმა სირიის სამთავრობო ძალებმა აიღეს.

გავრცელებული ინფორმაციით, თურქებმა ლოკალური კონტრშეტევა წამოიწყეს ასადის ძალებზე და დასახლებული პუნქტი ნეირაბი აიღეს. ანკარის თავდაცვის უწყების განცხადებით, ამ დროისთვის სირიის ელიტური შეიარაღებული დანაყოფის 4 ტანკია განადგურებული, მანამდე კი მსხვილკალიბრიანი ტყვიამფრქვევებით რუსული 2 უპილოტო საფრენი აპარატი იქნა ჩამოგდებული.

სირიის არმიის წარმომადგენლები ადასტურებენ თურქების მიერ სამხედრო იერიშის დაწყებას ზემოხსენებული ტერიტორიის მიმართლებით, თუმცა დასახლებული პუნქტების დაკარგვას ამ დრომდე უარყოფენ. რუსული სამხედრო მედიის ინფორმაციით, ასადის ძალებმა 3 თურქული M60-ის ტიპის ტანკი ააფეთქეს. ასევე ტვიტერის სოციალურ გვერდებზე ვრცელდება ფოტო-ვიდეო მასალა, რომელიც ასახავს სირიული არმიის მფლობელობაში არსებულ ტაქტიკური რაკეტა ტოჩკა-უ-ების გამოყენების რამდენიმე ფაქტს.