ქალაქ ლიპეცკში, ასაფრენ ბილიკზე მოიერიშე სუ-25 დაიწვა. პილოტმა მოახერხა თვითმფრინავიდან გადმოსვლა. ამის შესახებ ინფორმაციას ავრცელებს ინტერფაქსი.

გავრცელებული ინფორმაციით, ხანძრის ლიკვიდირება მოხდა. საგანგებო სიტუაციების სამსახურის აქტიური მუშაობის შემდგომ, აეროდრომი ჩვეულებრივ რეჟიმში აგრელებს მუშაობას.

სამართალდამცავთა თქმით, ხანძარი თვითმფრინავს აფრენის მომენტში გაუჩნდა, რის შემდეგადაც მფრინავმა ცეცხლისგან თავის დაღწევა მოახერხა, თუმცა მას მცირე დამწვრობები მაინც აღენიშნება სხეულზე.

ლიპეცკში მდებარეობს საზოგადოებრივი ცენტრი სამოქალაქო და სამხედრო ავიაციის მომსახურე პერსონალის მოსამზადებლად.

შეგახსენებთ, რომ სუ-25-ს აქტიურად აწარმოებდნენ სსრკ-ს დაშლის შემდეგაც თბილისის საავიაციო ქარხანაში. საფრენი აპარატი დაბალ სიმაღლეზე მოქმედებისთვის არის გათვლილი, რომელსაც ბრძოლის ველზე საიერიშო ფუნქცია გააჩნია სამხედრო სამიზნეებზე.

აღნიშნული ტიპის რამდენიმე ერთეული ჩამოაგდეს ქართველმა მეზენიტეებმა 2008 წლის ომში.