კორონავირუსით გარდაცვლილი ადამიანების რაოდენობა 2000-მდე აღწევს. ინფიცირებულთა რიცხვი კი უკვე 75 000-ია, რომელთაგან 1000 შემთხვევა ჩინეთის ფარგლებს გარეთ ფიქსირდება.

გავრცელებული ინფორმაციის თანახმად, იაპონიის გემ “DIAMOND PRINCESS“-იდან აქტიურად დაიწყეს მგზავრების გადმოსხმა ხომალდიდან, რომელიც 14 დღის განმავლობაში იმყოფებოდა კარანტინის ზონაში. საერთო ჯამში კი 545 დაინფიცირებული აღმოჩნდა ტოკიოს ყურეში მდგარ მცურავ საშუალებაზე.

მსოფლიოს ჯანდაცვის ორგანიზაციაში აცხადებენ, რომ დაავადებულთა და გარდაცვლილთა რიცხვი დღითიდღე იკლებს, თუმცა ეს არ ნიშნავს, რომ ეპიდემიის გავრცელების კლების ტენდენცია შეინიშნება. ექსპერტების ვარაუდით, 12-იდან 18 თვემდე დასჭირდება ვაქცინის შესაქმნელად.