ჩინეთში კორონავირუსით დაინფიცირებულთა რაოდენობა 72 436-ს, ხოლო დაღუპულთა რიცხვი კი 1888-ს აღწევს. დაავადებულთა უდიდესი უმრავლესობა ფიქსირდება ჩინეთში.

ჩინეთის ჯანმრთელობის ეროვნული კომისიის ინფორმაციით, დეკემბრიდან დღემდე 12 500 პაციენტი განიკურნა და გაიწერა საავადმყოფოდან. გავრცელებული ინფორმაციით, უკანასკნელი 14 დღის მანძილზე ახალი დაავადების შემთხვევები იკლებს.

ჩინეთის პრემიერის თქმით, ეპიდემიის გავრცელების ყველაზე დიდი საფრთხე უკვე თავიდან არიდებულია პრევენციული ღონისძიებების გაძლიერებითა და უსაფრთხოების ზომების მიღებით.