რუსული მედია ავრცელებს ვიდეოს, რომელიც ადასტურებს ინფორმაციას იმის შესახებ, რომ საუდის არაბეთის საჰაერო ძალების ავიაგამანაგგურებელი, “panavia tornado” ჩამოგდებული იქნა ანტისაჰაერო რაკეტით. სამხედრო თვითმფრინავი იემენის პროვინცია ალ-ჯაუფში ჩამოვარდა მაშინ, როდესაც იგი ცდილობდა ამბოხებული სამხედრო დაჯგუფება „ჰუსიტების“ პოზიციებს დაბომბვას.

ტვიტერში გამოცემა “AL-Masirah”-ს მიერ ინფრაწითელ დიაპაზონში გამოქვეყნებულ ვიდეოზე მოცემულია მომენტი, როდესაც მიწა-ჰაერის ტიპის რაკეტა საუდის არაბეთის სამხედრო თვითმფრინავს ანადგურებს.

არაბულ მედიაში აღნიშნავენ, რომ საჰაერო სამხედრო აპარატის განადგურება განხორციელდა პიკაპის ჯიპებზე დამონტაჟებული ჰაერსაწინააღმდეგო რაკეტა p-27-ის საშუალებით.

აღნიშნული რუსული წარმოების რაკეტა თავდაპირველად გამოიყენებოდა მხოლოდ ჰაერი-ჰაერი კლასისთვის, რაც გულისხმობდა იმას, რომ მათი გასროლა ხდებოდა მხოლო თვითმფრინავიდან. მას შემდეგ, რაც იემენის სამხედრო საცავებზე კონტროლი დაამყარეს ჰუსიტებმა, მოახერხეს ზემოხსენებული სამხედრო ამუნიციის გადაკეთება, რომლის შემდეგაც მათ აქტიურად იყენებენ სახმელეთო გამშვები კომპლექსებიდანაც. 2018 წელს მოდიფიცირებული P-27-ით საუდის არაბეთის საჰაერო ძალებში არსებული მრავალფუნქციური ამერიკული გამანადგურებელი f-15 ჩამოაგდეს.