ელტონ ჯონმა ახალ ზელანდიაში კონცერტი მოულოდნელად ჩაშალა. იუთუბზე გავრცელდა ვიდეო, სადაც ჩანს, თუ როგორ ტირის და გულდაწყვეტილად მიმართავს ამერიკელი მომღერალი პუბლიკას: „ვერ ვმღერი, მე სრულად დავკარგე ხმა. უნდა წავიდე, ბოდიში“

72 წლის მომღერალმა სცენა თანმხლებ პირებთან ერთად დატოვა, რა დროსაც იგი გულშემატკივრებმა ოვაციებით გააცილეს.

აღნიშნულ ფაქტს მოგვიანებით გამოეხმაურა ელტონ ჯონი ტვიტერის საკუთარ გვერდზე, სადაც განაცხადა : „მინდა, მადლობა გადავუხადო ყველას, ვინც დაესწრო კონცერტს ოკლენდში. მე პნევმონიის დიაგნოზი დამისვეს დღეს დილით, მაგრამ შეუპოვრად ვცდილობდი თქვენთვის საუკეთესო გადმომეცა. ვუკრავდი და ვმღეროდი მთელი გულით, სანამ ჩემი ხმა არ ჩაწყდა. იმედგაცრუებული ვარ და ბოდიშვს გიხდით. მადლობას გიხდით არაჩვეულებრივი მხარდაჭერისა და იმ სიყვარულისთვის, რაც ვიგრძენი და ახლაც ვგრძნობ თქვენგან“.