სირიის სამთავრობო ძალები საგრძნობ წარმატებას აღწევენ ქვეყნის ჩრდილო დასავლეთ ნაწილში, სადაც ატარებენ სამხედრო ოპერაციას ამბოხებულთა უკანასკნელი „ბასტიონის“ დასაბრუნებლად. სასტიკი ბრძოლების ფონზე, 100 000-ობით მშვიდობიანმა მოქალაქემ დატოვა თავისი საცხოვრებელი და თურქეთს აფარებს თავს.

სახელმწიფო ტელევიზიის თქმით, რუსეთის მიერ მხარდაჭერილმა ასადის შეიარაღებულმა ძალებმა გაანთავისუფლეს ყველა სოფლები და პატარა ქალაქებიც ალეპოს დასავლეთით. ამის შესახებ წერს AL JAZEERA.

სირიის სამთავრობო ძალების წინსვლის ფონზე, ჩაიშალა რუსეთსა და თურქეთს შორის არსებული ისედაც მყიფე ურთიერთობა- ასადის სამხედროების მოქმედების შედეგად ბოლო 2 კვირაში 13 თურქი სამხედრო გარდაიცვალა. თურქი მაღალჩინოსნები მოუწოდებენ რუსეთს, თვის ბოლომდე გააყვანინონ სირიის შეიარაღებულ ძალებს თავისი საჯარისო ფორმირებები ზემოხსენებული ტერიტორიებიდან, წინააღმდეგ შემთხვევაში კი იმუქრებიან მკაცრი სამხედრო პასუხის გაცემით.

ამავდროულად თურქული მედია, ანადოლუ ავრცელებს ინფორმაციას, რომ თურქების მიერ მხარდაჭერილმა ამბოხებულებმა უკვე დაიწყეს იდლიბის პროვინციაში დაკარგულ ტერიტორიებზე ხელახალი შეტევა. თურქმა სამხედროებმა იდლიბის რეგიონში 2 დღის წინ შეიყვანეს 100 სამხედრო მანქანისგან შემდგარი გაძლიერებული შემადგენლობა, სპეცრაზმელების, ტანკებისა და ქვეითთა საბრძოლო მანქანების შემადგენლობით