თურქეთის პრეზიდენტის რეჯეპ ტაიპ ერდოღანის განცხადებით, ლიბიაში მიმდინარე ომში რუსეთია ცართული. ამის დასადასტურებლად ერდოღანმა წარმოადგინა ფოტო, რომელზეც სამხედრო კომპანია „ვაგნერის“ მეთაური რუსეთის თავდაცვის მინისტრ სერგეი შოიგუსთან და გენერალური შტაბის უფროს ვალერი გერასიმოვთან ერთად არის ასახული.

რუსეთის მხარე ერდოღანის ამ განცხადებას არ ეთანხმება და აცხადებს, რომ ქვეყნის ხელისუფლებას "ვაგნერთან" არანაირი კავშირი არ აქვს და "ვაგნერის" დაქირავებუილი მებრძოლები რუსეთის ინტერესე4ბს არ გამოხატრავენ. ანალოგიური განცხადება რამდენიმე ხნის წინ მანამდე რუსეთის პრეზიდენტმა ვლადიმერ პუტინმაც გააკეთა.

შეგახსენებთ, რომ აღნიშნული სამხედრო დაჯგუფება არაერთ სამხედრო კონფლიქტში იყო ჩართული. მისი მებრძოლები მონაწილეიბდნენ უკრაინაში, სირიაში, ლიბიასა და სხვა ქვეყნებში წარმოებულ სამხედრო ოპერაციებში, სადაც აქტიურად ერეოდა სწორედ რუსეთის ხელისუფლება. მსოფლიო მედიაში არაერთხელ გავრცელებულა ფოტო თუ ვიდეო კადრები, რომელთა თანახმადაც "ვაგნერის" მებრძოლები რუსეთი სამხედრო ბაზებზე გადიოდნენ წვრთნას.