გიგი უგულავას დაკავებას ეხმაურება საქართველოში ევროკავშირის ელჩი, კარლ ჰარცელი.

„ჩვენ ყურადღებით ვაკვირდებით ოპოზიციონერი ლიდერის წინააღმდეგ გამოტანილ გადაწყვეტილებას- მქონდა შესაძლებლობა შემეფასებინა სიტუაცია ჩემს ევროპელ კოლეგებთან ერთად და მინდა გითხრათ, რომ ყველანი ვიზიარებთ იმ კითხვის ნიშნებს, რაც გარემოებებიდან გამომდინარე ვერდიქტში არსებობს.

ჩვენ ვთანხმდებით იმ ფაქტზე, რომ ეს ამბავი ხელს არ შეუწყობს პოლიტიკურ დიალოგს, რაც ჩემი აზრით, გადამწყვეტი კომპონენტია და პოლიტიკური პოლარიზების განსამუხტად უმნიშვნელოვანესია. ბევრი პოლიტიკოსის განცხადება მოვისმინე ბრიუსელიდან და სხვა დედაქალაქიდან- მე მოველი, რომ რამდენიმე საათში იქნება ოფიციალური განცხადება ბრიუსელიდანაც. პოლიტიკური დიალოგის უფრო გართულდა- ჩვენ აღარ დაგვრჩა დიდი დრო გამოსავლის საპოვნელად - ამ დიალოგში ხელისშემწყობი პირები გავაგრძელებთ მცდელობას, რათა ორივე მხარესთან ვიპოვოთ შესაძლებლობა დიალოგის განახლებისთვის.