ბრიტანელი მამაკაცი, რომელიც კორონავირუსით იყო დაავადებული, პირველად ალაპარაკდა დაავადებისგან გამოჯანმრთელებაზე. სტივ ვოლში, რომელიც საავადმყოფოს კარანტინის ზონაში ამ დრომდე რჩება, სრულად განიკურნა ინფექციისგან და მისი ჯანმრთელობის მდგომარეობა სტაბილურია.

ვოლში გაზის კომპანიაში მუშაობს, იგი სინგაპურში დაავადა ვირუსით, რომლის შემდეგაც მან საფრანგეთის სათხილამურო კურორტზე დასვენების განმავლობაში 11 ადამიანი დააინფიცირა- 5 ბრიტანელი, 5 ფრანგი და 1 ესპანეთის მოქალაქე. მის მიერ დაინფიცირებულთა შორისაა ბობ სეინორი და მისი ცოლი, რომელთაც ველშთან კონტაქტის შედეგად რესპირატორული გზით გადაედოთ მკვლელი ვირუსი.

ბრიტანეთის ჯანმრთელობის დაცვის დეპარტამენტის განცხადებით, არც ერთ იმ ადამიანს, რომლებიც კარანტინის ზონაში იმყოფებიან, ჯერ არ გაუშვებენ და თუ საჭირო გახდება, ისინი ძალის გამოყენებით იქნებიან იზოლირებულნი.

შეგახსენებთ, რომ ვირუსით გარდაცვლილთა რაოდენობა მთელს მსოფლიოში უკვე 1100-ს ცდება, ხოლო ინფიცირებულთა რიცხვი კი ყოველდღიურად ათასობით იზრდება და დღეს უკვე 44 000-ზე მეტი დადასტურებული შემთხვევაა.