ინდოეთში, ქალაქ დელიში 25 წლის მამაკაცმა ამერიკის საელჩოს ტერიტორიაზე 5 წლის გოგონა გააუპატიურა. თავდამსხმელი მას შემდეგ დააკავეს, რაც გოგონას მშობლებმა შვილზე ძალადობის კვალის აღმოჩენის გამო გაუპატიურების ბრალდებით იჩივლეს, რომლის შემდეგაც სამართალდამცავებმა საგამოძიებო სამუშაოები ჩაატარეს და მოძალადე დააპატიმრეს. ამის შესახებ წერს BBC-ი.

გოგონა, რომელზეც ბოროტმოქმედმა ძალა გამოიყენა ამ დროისთვის უკვე სტაბილურ მდგომარეობაშია.

პოლიციის თქმით, დამნაშავე საელჩოს თანამშრომელი არაა, თუმცა ირკვევა ის, რომ ახალგაზრდა თავის მშობლებთან ერთად ცხოვრობდა საელჩოში მომუშავე პერსონალის შტაბბინაში, რადგან მამამისი დიპლომატიური უწყების ერთ-ერთი მუშაკია.

მედიისთვის ხელთარსებული ინფორმაციის საფუძველზე დადგინდა, რომ დაზარალებულისა და ბოროტმოქმედის ოჯახები ერთმანეთს იცნობდნენ. გამომძიებლები აცხადებენ მედიასთან ინტერვიუში, რომ მამაკაცმა მცირეწლოვანი ბავშვი სახლში შეიტყუა მაშინ , როდესაც იგი გარეთ თამაშობდა. მისი მშობლები კი სექსუალური ძალადობის მომენტში სახლში არც იმყოფებოდნენ.

როდესაც გოგონა სახლში დაბრუნდა, მან მშობლებს მოუყვა აღნიშნულის შესახებ, რის შემდეგადაც იგი სასწრაფოდ საავადმყოფოში გადაიყვანეს, სადაც ექიმებმაც დაადასტურეს რომ მცირეწლოვანზე სექსუალურად იძალადეს.

2018 წელს მთავრობამ დააწესა სიკვდილით დასჯა მათთვის , ვინც ბავშვების გაუპატიურებაშია ბრალდებული.