სამედიცინო დარგში მოღვაწე მეცნიერებმა გამოკვლევების შედეგად ადამიანის სხეულში აღმოაჩინეს სიმსივნური წარმონაქმნის პირველი წყაროები, რაზე დაყრდნობითაც ვარაუდობენ, რომ შეძლებენ დაავადების პროგნოზირებას რამდენიმე ათეული წლით ადრე. ამის შესახებ წერს SKYNEWS-ი.

მკვლევართა თქმით, ახალი აღმოჩენა მეცნეირებს საშუალებას მისცემს, განავითარონ ახალი ინსტრუმენტების, პრეპარატებისა და თერაპიების კურსები, რომელიც კიბოსთან გამკლავებას უფრო წარმატებულსა და მარტივს გახდის.

სიმსივნესთან მებრძოლ სწავლულთა ჯგუფის აზრით, კიბოს განმაპირობებელი ფაქტორი ადამიანის ორგანიზმში არსებული მემკვიდრეობით გადმოცემული მუტაციებია, რომელიც იწვევს დასნეულებას, თუმცა იგი იმაზე ბევრად ადრე მოდის აქტიურ მოქმედებაში, ვიდრე რაიმე თვალშისაცემი ნიშანი ზედაპირზე გამოვლინდება.

პროფესორი, პიტერ ჯონსონის თქმით, კლინიკაში შესაძლებელი იქნება ზემოხსენებული კვლევა უკვე უშუალოდ ტესტად აქციონ, რომლის საშუალებითაც შესაძლებელი იქნება, განისაზღვროს როდის და როგორ შეიძლება იქნენ ადამიანები დაავადებულნი კიბოსგან მომავალში.

მკვლევართა საერთაშორისო გუნდი, რომელშიც გაერთიანებულნი არიან ექსპერტები ბრიტანეთიდანაც იკვლევენ სიმსივნურ წარმონაქმნებსა და ორგანიზმის უჯრედში შენახულ მემკვიდრული მასალების ერთობლიობას.

მკვლევართა ჯგუფმა , რომელმაც თანმიმდევრულად დაალაგა და შეისწავლა 2700-მდე სიმსივნური წარმონაქმნები გამოარჩია მხოლოდ 38 სახის მუტაცია ადამიანის ორგანიზმში, რომელიც პოტენციურ რისკს წარმოადგენს დაავადების ჩამოყალიბებისთვის.

მიუხედავად იმისა, რომ ადამიანის უჯრედები მილიარდობით მუტაციას განიცდიან, მხოლოდ რამდენიმე მათგანია „წამყვანი მუტაციის“ მქონე უჯრედი, რომელიც კიბოს განვითარებას უწყობს ხელს.