ბრიტანული მედიის ცნობით, მეცნიერებმა შექმნეს მაღალტექნოლოგიური სპექტრომეტრი, რომელიც განსაზღვრავს არიან თუ არა ადამიანები ნარკოტიკის მომხმარებლები. ახალი ხელის ანაბეჭდის სისტმას შეუძლია იმ ადამიანთა იდენტიფიცირება, რომლებიც მოიხმარდნენ ნარკოტიკულ ნივთიერება კოკაინს. ამის შესახებ წერს SKYNEWS-ი.

სურეის უნივერსიტეტის მკვლევარებმა საკუთარი ახალი მეთოდების შესახებ მედიას ამცნეს. მათი თქმით, მაღალი გარჩევადობის მქონე სპექტრომეტრის გამოყენებით ახდენენ ნარკოტიკის მომხმარებელთა თითებიდან ოფლის ნიმუშების აღებით იმის დადგენას, თუ ვინ მოიხმარდა ან მოიხმარს ამჟამად კოკაინს.

ტესტის კომერციული ვერსია უკვე ხელმისაწვდომია სხვადასხვა სადაზვერვო სამსახურებისთვის, აგრეთვე პიტერბროს საბჭოსა და ვილკოს ჯგუფის სამშენებლო ფირმისთვის.

მედიკოსთა ჯგუფმა აიღო სინჯებისთვის ანაბეჭდები იმ პირთაგან, რომლებიც წამალდამოკიდებულების გამო რეაბილიტაციას გადიან კლინიკებში. კვლევის მონაწილე ნარკომანებს ანაბეჭდების აღებამდე მოსთხოვეს, რომ ნარკოტიკული ნივთიერებების მოხმარებიდან 24 საათის შემდეგ მათ დაებანათ ხელები საპნითა და წყლით, რის შემდეგაც მათზე ხელახლა ჩატარდა ცდები.

მეცნიერთა თქმით, მეორე ცდაზე მაინც გამოიყო ადამიანთა სხეულიდან მოლეკულა კოკაინის მეტაბოლიტის, ბენზოოლეგოგინის სახით. აღნიშნული ქიმიური ნივთიერება არ გამოიყო იმ ადამიანებზე, რომლებიც არ მოიხმარენ ნარკოტიკულ ნივთიერებებს.