დონალდ ტრამპის შვილმა, დონალდ ტრამპ უმცროსმა ინსტაგრამის საკუთარ გვერდზე იუტას სენატორის, რესპუბლიკელი მიტ რომნის მიმართ შეურაცხმყოფელი ფოტო გამოაქვეყნა, სადაც იგი რესპუბლიკელთა ყოფილ პრეზიდენტობის კანდიდატს ქალის საშოს ადარებს.

„მიტ რომნი გამწარებულია იმის გამო, რომ იგი ვერასოდეს გახდება ამერიკის. ის ძალზე სუსტი იყო იმისთვის, რომ დაემარცხებინა დემოკრატების კანდიდატი, ამიტომ ის ახლა მათ უერთდება. ის ახლა ოფიციალურადაა წინააღმდეგობის წევრი და უნდა გააძევოთ რესპუბლიკური პარტიიდან“ ,- განაცხადა ტრამპმა სოციალურ ქსელში.

შეგახსენებთ, რომ ოთხშაბათს, აშშ-ს კონგრესის ზედა პალატაში, სენატში გაიმართა ამერიკის პრეზიდენტის, დონალდ ტრამპის იმპიჩმენტის პროცედურა, სადაც ორ საბრალდებო აქტი განიხილებოდა- უფლებამოსილების ბოროტად გამოყენება და კონგრესის საქმიანობისთვის ხელის შეშლა.

პირველ ბრალდებაში იგი დამნაშავედ სცნო 48-ა სენატორმა ხოლო 52-მა უდანაშაულოდ. მიტ რომნი ერთადერთი რესპუბლიკელი იყო, რომელმაც ბრალდებულად სცნო დონალდ ტრამპი.

მეორე ბრალდებაში კი პრეზიდენტის წინააღმდეგ 47-მა სენატორმა მისცა ხმა, ხოლო 53-მა, რომნის ჩათვლით იგი გაამართლა.

დონალდ ტრამპის იმპიჩმენტის პროცესი დემოკრატებმა და წარმომადგენელთა პალატის ლიდერმა, ნენსი პელოსიმ 2019 წლის ბოლოს დაიწყეს. ისინი პრეზიდენტს ვლადიმერ ზელინსკის ზეწოლაში ადანაშაულებდნენ- მათი მტკიცებით, აშშ-ს პრეზიდენტმა ზელენსკის მოსთხოვა, რომ მისი კონკურენტის, დემოკრატიული პარტიის საპრეზიდენტო კანდიდატი ჯო ბაიდენის შვილის, ჰანთერ ბაიდენის წინააღმდეგ გამოძიება დაეწყო, რათა ოპონენტისთვის სკანდალი აეგორებინა.