კარანტინის მე-9 დღე - ნინის დღიური უჰანიდან

საზოგადოება - 18:14, 02 Feb, 2020

1253

ნინი დავლიანიძე ჩინეთის ქალაქ უჰანში ცხოვრობს, ახალი კორონავირუსის აფეთქების ეპიცენტრში.

23 იანვრიდან უჰანი კარანტინშია. ქალაქში არ დადის ტრანსპორტი, მაღაზიები დაკეტილია. მთავრობა უცხოელების ევაკუაციას ცდილობს; მათ, ვინც რჩება, ურჩევს, რომ სახლიდან არ გამოვიდნენ.

კარანტინის გამოცხადების შემდეგ 30 წლის ნინი საკუთარ სახლში აღმოჩნდა გამოკეტილი. მან მხოლოდ ერთხელ მოახერხა სახლიდან გასვლა და პროდუქტების მომარაგება.

ნინი რადიო თავისუფლების მკითხველებს უზიარებს ყოველდღიურ ჩანაწერებს იმის შესახებ, თუ როგორ უმკლავდება თავად და მთელი ქალაქი მოულოდნელად გაჩენილ გამოწვევას.

01, თებერვალი 2020

კარანტინის მე-9 დღე

დღეს, გუშინდელთან შედარებით ძალიან კარგად მეძინა, რომ არა მაღვიძარა რომლის გათიშვაც სულ მავიწყდება, საწუწუნო არაფერი მექნებოდა.

პირველი რა თქმა უნდ, ფეისბუკი გავხსენი, უამრავი შეტყობინება დამხვდა, უმრავლესობა ჩემს აქ დარჩენას ეხებოდა, ბევრი მიწონებს უჰანში დარჩენას, თქვენთან რა მაქვს დასამალი და ძალიან სასიამოვნო შეგრძნება ყოფილა სრულიად უცხო ადამიანი გულებით სავსე კეთილ სურვილებს რომ გიგზავნის.

უბრალოდ ერთი კითხვა გამიჩნდა, რომ წამოვსულიყავი იგივე დოზით დავიმსახურებდი ამ სიყვარულს? რა იცი, რას გაიგებ.

ვრცლად წაიკითხეთ "რადიო თავისუფლებაზე".