„დიდება გმირებს“ - ასე მიესალმა თურქეთის პრეზიდენტი, რეჯეფ ტაიპ ერდოღანი უკრაინელ სამხედროებს ოფიციალურ ცერემონიალზე კიევში. ეს მოხდა მას შემდეგ, რაც თურქული ჯარი დაბომბა სირიის არმიამ, რომელსაც რუსეთი უჭერს მხარს. ერდოღანის ვიზიტისას სამუშაო შეხვედრა შედგა უკრაინელ კოლეგასთან.

ზელენსკისთან შეხვედრის დროს თურქულმა მხარემ პირობა დადო, რომ უკრაინას $50 მილიონი დოლარის ოდენობის სამხედრო დახმარებას გაუწევს. ბოლო პერიოდის განმავლობაში ძალზე დაძაბულია სირიაში ურთიერთობა თურქეთსა და რუსეთს შორის. ანკარა ადანაშაულებს რუსეთს ასადის აგრესიული რეჟიმის მხარდაჭერაში. დაპირისპირებულ მხარეებს შორის ბოლო ორი დღის განმავლობაში შეტაკებები მიმდინარეობს, რა დროსაც 4 თურქი და 35-მდე სირიელი სამხედრო დაიღუპა.