კორონავირუსით დაინფიცირებულმა უხანელმა ფეხმძიმე ქალმა იმშობიარა და ჯანმრთელი ბავშვი გააჩინა. შემთხვევა დაფიქსირდა ჰარბინის საავადმყოფოში, ჩრდილო-აღმოსავლეთ ჩინეთში, ჰეილონგიანის პროვინციაში. ამის შესახებ ინფორმაციას რეგიონის ჯანმრთელობის კომისია ავრცელებს.

საავადმყოფოს ადმინისტრაციის თქმით, ბავშვის წონა 3.05 კილოგრამს შეადგენს და იგი სრულიად ჯანმრთელია, არ აღენიშნება კორონავირუსისთვის დამახასიათბელი ნიშნები. რამდენიმე დღიანი კარანტინის, დაკვირვებისა და მკურნალობის შემდეგ ჩვილის დედის მდგომარეობა სტაბილურია და ოდნავ გაუმჯობესდა.

ექიმების გადაწყვეტილებით, ფეხმძიმე ქალბატონის მდგომარეობის გაუარესების თავიდან ასარიდებლად ჩაატარეს საკეისრო კვეთა.

შეგახსენებთ, რომ კორონავირუსით დაავადებულთა რაოდენობა მთელი მსოფლიოს მასშტაბით უკვე 17 000-ს აღემატება და გარდაცვლილია 365 ადამიანი. გარდაცვალების ერთი ფაქტი დადასტურდა ჩინეთის ფარგლებს გარეთაც ფილიპინებში- მამაკაცის გადარჩენა ვერ მოხერხდა ძლიერი პნევმონიური სიმპტომების გამო.