ოფიციალური მინსკი მოუწოდებს აშშ-ს უფრო აქტიური როლი შეასრულოს ბელორუსში, იმის გათვალისწინებით, თუ რა მნიშვნელოვან როლსაც ასრულებს ამერიკის შეერთებული შტატები საერთაშორისო არენაზე,- ამის შესახებ განაცხადა ბელორუსის საგარეო საქმეთა მინისტრმა , ვლადიმირ მაკეიმ.

„ჩვენ დაინტერესებული ვართ იმაში, რომ ამერიკული ბიზნესი უფრო აქტიურად იყოს წარმოდგენილი ბელორუსში. ჩვენ გვსურს, რომ ორი ქვეყნის სამთავრობო სტრუქტურებს შორის უფრო აქტიური თანამშრომლობა და დაახლოება მოხდეს“.

მინისტრის თქმით, აშშ-სა და ბელორუსი მრავალი გამოწვევისა და საფრთხის წინაშე დგას, რომლებსაც ისინი ერთად უნდა ებრძოლონ. როგორც მაკეიმ აღნიშნა, ამ გამოწვევებსა და საფრთხეებსზე ამერიკის სახელმწიფო მდივანთან, მაიკ პომპეოსთან და ბელორუსის პრეზიდენტთან, ალექსანდრ ლუკაშენკოსთან ერთად ისაუბრეს მინსკში. საგარეო უწყების თქმით, საუბარი იყო ტერორიზმზე, ტრეფიკინგზე , ნარკოდანაშაულთან ბრძოლა და უსაფრთხოების უზრუნველყოფაზე.

შეგახსენებთ, რომ შაბათს მინსკში ორი ქვეყნის მთავრობის მაღალჩინოსანთა შეხვედრის დროს მაიკ პომპეომ განაცხადა, რომ აშშ მზად არის, 100 პროცენტით უზრუნველყოფს ბელორუსი ენერგორესურსებით. უკანასკნელი პერიოდის განმავლობაში ბელორუსი რუსეთთან დაძაბული ურთიერთობის ფონზე ეძებს ალტერნატიულ გზებს ნავთობის იმპორტირებისთვის ქვეყანაში . რამდენიმე დღის წინ კი ბელორუსმა მიიღო ნორვეგიული ნავთობის პირველი პარტია ნაფტანის ნავთობგადამამშავებელ ქარხანაში.