უცნობმა შეიარაღებულმა პირებმა ბუნებრივი აირის მილსადენი, რომელიც ისრაელსა და ეგვიპტეს შორის იყო დაკავშირებული, ააფეთქეს. აღნიშნულ ინფორმაციას ავრცელებს ებრაული მედია.

ექვსმა ნიღბიანმა შეიარაღებულმა მამაკაცმა დაამონტაჟა ასაფეთქებელი ნივთიერება მილსადენის ქვეშ ქალაქ ბირ ალ-აბდთან, რომლიდანაც გაზი მიეწოდებოდა ელ-არიშის დასახლებულ პუნქტს, სინას ნახევარკუნძულის ჩრდილოეთი პროვინციის დედაქალაქს და ცემენტის ქარხანას ცენტრალურ სინაში.

აფეთქების შედეგად, ძლიერი ცეცხლი წარმოიქმნა, რის გამოც მთავრობამ მიიღო გადაწყვეტილებას, რომ შეეჩერებინა გაზის ტრანსპორტირება, რაც ხელს უშლიდა ცეცხლის ჩაქრობის პროცედურას.

შეგახსენებთ, რომ ეგვიპტე ისრაელსა და იორდანიას გაზით 2008 წლიდან ამარაგებს სინას ნახევარკუნძულის გავლით, რომელიც 2005 წელს ორ ქვეყანას შორის გაფორმებული ხელშეკრულების ნაწილია. შეთანხმების საფუძველზე, ისრაელი ყოველწლიურად 1 მილიარდ კუბურ მეტრ ბუნებრივ აირს მიიღებს 20 წლის განმავლობაში.

ქვეყნებს შორის ორმხრივ ურთიერთობაში აგრეთვე ისრაელიც აქტიურადაა ჩართული ეგვიპტის ბუნებრივი აირით მომარაგების საკითხში- იანვარში ოფიციალურად გაფომრდა შეთანხმება იერუსალიმსა და კაიროს შორის ბუნებრივი აირის მიწოდებაზე- ისრაელის გაზს ეგვიპტური კომპანია დოლფინუსი ყიდულობს, რომელმაც ებრაულ მხარესთან $ 19.5 მილიარდიანი კონტრაქტი გააფორმა 85 მილიონი კუბური მეტრი გაზის შესყიდვაზე ლევიათანის გაზის საბადოდან. გაზის ტრანსპორტირება წყალქვეშა მილსადენით მოხდება ეგვიპტეში, რომლიდანაც უნდა მოხდეს ბუნებრივი აირის რე-ექსპორტი ევროპაში.