მოსკოვი მცდელობას არ აკლებს დაარწმუნოს კიევი და მოელაპარაკოს საბაჟო კავშირში უკრაინის შესვლაზე. თუმცა, უკრაინულ-რუსული მოლაპარაკებების მორიგი რაუნდი უშედეგოდ დასრულდა, - წერს zn.ua.

რუსეთის პრეზიდენტი ვლადიმერ პუტინი სოჭში, უკრაინის პრეზიდენტ ვიქტორ იანუკოვიჩთან შეხვედრისას, რომელიც 27 ოქტომბერს შედგა, კვლავ ეცადა უკრაინა დაეთანხმებინა არ მოეწერა ხელი ევროკავშირთან ასოცირების შეთანხმებაზე.

პუტინისა და იანუკოვიჩის შეხვედრა, რომლის დეტალებიც მკაცრად გასაიდუმლოებულია, ხუთ საათზე მეტ ხანს გაგრძელდა. იმავე დღის საღამოს,  უკრაინისა და რუსეთის საგარეო საქმეთა სამინიტროების დელეგაციები, მინისტრების ლეონიდ კოჟარას და სერგეი ლავროვის მეთაურობით, როსტოვში შეხვდნენ. დიპლომატებმა ერთად ივახშმეს, რის შემდეგაც მთელი დღე ერთად გაატარეს. შეთანხმებებში დიდი გარღვევა არც მინისტრებს ჰქონიათ.