ჩინეთიდან ჩამოსულ საქართველოს ორ მოქალაქეს არც ერთი სახის ვირუსი არ დაუდასტურდა

ჩინეთიდან ჩამოსულ საქართველოს ორ მოქალაქეს არც ერთი სახის ვირუსი არ დაუდასტურდა - ამირან გამყრელიძე

საზოგადოება - 10:59, 31 Jan, 2020

1739

დაავადებათა კონტროლის ცენტრის ხელმძღვანელი, ამირან გამყრელიძეს თქმით თბილისში, ინფექციურ საავდმყოფოში მოთავსებულ 2 ჩინეთის მოქალაქეს და ასევე საქართველოს მოქალაქეებს კორონავირუსი არ აღმოაჩნდათ.

გამყრელიძის თქმით, ჩინეთის ორ მცირეწლოვან მოქალაქეს, რომელიც თბილისის ინფექციურ საავადმყოფოში მკურნალობს, A ტიპის გრიპის ვირუსი დაუდგინდა, რაც სწრაფმა ტესტმა დაადასტურა.

„ორ ჩვენ თანამემამულეს, რომლებიც შემოვიდნენ ჩინეთიდან სხვადასხვა გზებით, ერთმა თავისით მიმართა საავადმყოფოს და ერთი მომატებული ტემპერატურის გამო აეროპორტიდან გადაიყვანეს ინფექციურში, გრიპზე სწრაფი ტესტი ჩაუტარდათ, შედეგი აღმოჩნდა ნეგატიური, ანუ გრიპი არ იყო. გუშინ საღამოსთვის მათი მდგომარეობა იყო დამაკმაყოფილებელი. გუშინვე აუღეს სინჯები მოლეკულური კვლევებისთვის, ლუგარში გასატესტად. ლუგარში ორჯერ მოხდა გატესვა, რათა დავრწმუნებულიყავით, ჩვენ ვადგენთ 22 ვირუსზე რეაქციას, მათ შორის, ხუთი კორონავირუსის ტიპზე. ასევე მერსიკოვზე, ეს გახლდათ კორონავირუსი, რომელმაც გამოიწვია 2012-ში შუა აღამოსავლეთში ეპიდაფეთქება. პირველი ტესტი იყო ყველაფერზე უარყოფითი, გადამოწმდა მეორედ და დილის მონაცემებით დადასტურდა, რომ არც ერთ ვირუსზე დადებითი რეაქცია არ იყო. ჩვენ დღეს არ გვაქვს სუბტიპი კორონავირუსის, რომელიც დღესდღეისობით ტრიალებს ჩინეთში, ამის გამო მაინც მათი რნმ გაიგზავნა როტერდამში, რათა მოხდეს გატესტვა იმ სუბტიპზეც, რათა საბოლოოდ დავრწმუნდეთ, რომ არ გვაქვს საქმე კორონავირუსის იმ სუბტიპთან. ჩვენ იმედი გვაქვს რომ კორონავირუსის სუბტიპი სამშაბათს-ოთხშაბათს უკვე გვექნება“, - განაცხადა ამირან გამყრელიძემ.