რესპუბლიკური პარტიის წარმომადგენელმა და ტეხასის შტატის კონგრესმენმა, პიტ ოლსენმა ამერიკის საკანონმდებლო ორგანოში გამოსვლისას, საქართველოს ხელისუფლების არაფორმალურ მმართველს, ბიძინა ივანიშვილს პუტინის მარიონეტი უწოდა.

„ რა საერთო აქვთ ერთმანეთთან ოსკარ გრაუჩსა და ბიძინა ივანიშვილს? ორივე თოჯინაა, რომლებიც ანაგვიანებენ საკუთარ სახლებს.მე დღეს ვისაუბრე კონგრესში საქართველოს მოსახლეობის მხარდასაჭერად, რომელიც ითხოვს მთავრობისგან კორუფციისა და რუსული გავლენების შემცირებას. " წერს ტვიტერის საკუთარ გვერდზე ამერიკელი კანონმდებელი ოლსენი.

"ვლადიმერ პუტინის თოჯინა, ბიძინა ივანიშვილი თავს დაესხა უცხოურ ინვესტიციებს, გაანადგურა ადამიანის უფლებები. რა თქმა უნდა ნათელია, რომ რუსეთის პრეზიდენტი, ვლადიმერ პუტინი ბედნიერია იმით, რომ აკონტროლებს საქართველოს რესურსებს. ტეხასური კომპანია "ფრონტერა რესორსი" საქართველოში ბურღვით სამუშაოებს წლების განმავლობაში ატარებდა. მათ შექმნეს საუკეთესო სამუშაო ადგილები საქართველოში. ეს ყველაფერი კი გრძელდებოდა მანამ, სანამ მთავრობამ მათი მუშაობა არ შეაჩერა და კომპანიას ყველა აღჭურვილობა ჩამოართვა. მარიონეტი ბიძინა ივანიშვილი კი მდიდრდება ქართველი ხალხის ზურგს უკან.

გამოღვიძების დროა. ეს ფოტო ნათლად ასახავს იმ ფაქტს, რომ საქართველოს ჩვენი მხარდაჭერა სჭირდება. საპროტესტო მუხტს საქართველოში ჩვენი დახმარება სჭირდება. შემომიერთდით, რომ ავიმაღლოთ ხმა თავისუფლებისა და საქართველოსთვის“ ,- განაცხადა კონგრესმენმა პიტ ოლსენმა.