ბელორუსმა მიიღო ნორვეგიული ნავთობის პირველი პარტია ნაფტანის ნავთობგადამამუშავებელ ქარხანაში. მოსკოვმა შეაჩერა ნავთობის ექსპორტი ბელორუსში 2020 წლის პირველი იანვრიდან. ბელორუსმა რუსული ნავთობის შემოტანის ალტერნატიული გზების ძიებაზე მას შემდეგ დაიწყო ფიქრი, რაც ორი ქვეყნის ხელისუფლება ვერ შეთანხმდა ფასზე. ამის შესახებ წერს REUTERS-ი.

მისნკმა 86 000 ტონა ნედლი ნავთობის იმპორტი მოახდინა ნორვეგიის ნავთობსაბადოდან.

რუსეთის ნავთობმომწოდებლებთან დაძაბული ურთიერთობის გამო მედიასთან გამოსვლისას ბელორუსის პრეზიდენტმა, ალექსანდრ ლუკაშენკომ განაცხადა, რომ მისი მთავრობა მუშაობს სხვა ქვეყნებთან ერთად ნავთობის იმპორტირების საკითხებთან დაკავშირებით მოლაპარაკებაზე.

„ბარელ ნავთობზე ფასი ამჟამად 60-62 $-ია. რუსები კი ჩვენგან პრემიის მიღებასაც ითხოვენ გარდა სტანდარტული თანხისა, რაც დამატებით 15-16 $-ს შეადგენს. აღნიშნული მდგომარეობის გათვალისწინებით კი ჩვენ მილიარდობით დოლარის ზარალს მივიღებთ. ბალტიის ქვეყნებისგან ვიყიდით ნავთობს. ლატვიიდან სარკინიგზო ტრანსპორტით მივიღებთ ნავთობს.“ ,- განაცხადა ლუკაშენკომ

მისი თქმით, ბელორუსს ენერგორესურსის მისაღებად ალტერნატიულ გზად გააჩნია მეორე მარშრუტიც, რაც გულისხმობს არაბული ნავთობის ტრანზიტს პოლონეთიდან.

„ პოლონეთის გავლით, ყველაზე იაფი მარშრუტი იქნება. მე შემიძლია დავიწყო ამერიკული ან საუდის არაბეთის ნავთობის შემოტანა გდანსკიდან ნავთობსადენის საშუალებით.“

„ჩვენ მოვილაპარაკებთ ამერიკელებთან, საუდის არაბეთთან, ემირატებთან, რომელთანაც შესანიშნავი ურთიერთობა მაქვს - რამდენიც საჭიროა, იმდენ ნავთობს მოგვცემენ. იქ ნავთობის ხარისხიც უკეთესია“