მეორე ევროპული ქვეყანა, რომელმაც კორონავირუსის ფაქტი ოფიციალურად დაადასტურა გერმანიაა. საფრანგეთის შემდეგ კორონავირუსმა გერმანიაშიც შეაღწია. ჯანდაცვის სამინისტროს შესაბამისი ორგანო ბავარიაში აცხადებს, რომ მამაკაცი „კლინიკურად კარგ მდგომარეობაში“ იმყოფება.

პაციენტი იზოლირებულია და მასზე სამედიცინო მონიტორინგი მიმდინარეობს. ის ადამიანები, რომლებთანაც კორონავირუსით დაავადებულ პირს კონტაქტი ჰქონდა, გაფრთხილებულები არიან სიმპტომების და ჰიგიენის ნორმების შესახებ.

ჯანდაცვის მინისტრის იენს შფანის თქმით, მათთვის სიურპრიზი არ ყოფილა კორონავირუსის გერმანიაში შეღწევა, ხოლო ამ შემთხვევისთვის ისინი სათანადოდ მომზადებულებიც არიან.

შეგახსენებთ, რომ ოფიციალური მონაცემებით, ამ დროისთვის კორონავირუსით 106 ადამიანია გარდაცვლილი.