ჩინეთის მაღალჩინოსანთა განცხადებით, კორონავირუსით გარდაცვლილთა რაოდენობა 106-მდე გაიზარდა. დიდი ბრიტანეთი ცდილობს, საკუთარი 200 მოქალაქის ევაკუაციას ქალაქი ვუჰანიდან, რომელიც კარანტინის ზონადაა გამოცხადებული. ამის შესახებ წერს TELEGRAPH-ი.

ჩინეთის ხელისუფლება აძლიერებს ძალისხმევას ვირუსის გავრცელების შეჩერებასთან დაკავშირებით და თავის მოსახლეობას ურჩევს, თავი შეიკავოს საზღვარგარეთ გამგზავრებისგან. პეკინის ეროვნული ჯანმრთელობის კომისიის თქმით, უკანასკნელი 6 გარდაცვლილი ვუჰანში, ჰუბეის პროვინციაში დააფიქსირეს. მიუხედავად იმისა, რომ ვირუსი სხვა ქვეყნებშიც აღმოაჩინეს, ადამიანთა დაღუპვის შესახებ ცნობები მხოლოდ ჩინეთის ტერიტორიაზე ფიქსირდება. 1 დღეში დაავადებულთა რაოდენობა 2835-იდან 4515-მდე გაიზარდა. შექმნილი ვითარების შემდეგ მსოფლიოს საფონდო ბირჟებზე აქციების ფასები ძალზე შემცირდა- ნავთობზე უკანასკნელი 3 თვის განმავლობაში რეკორდულად დაბალ ნიშნულზეა ჩამოსული.