აშშ-ში 41 წლის ფლორიდელი მამაკაცი, ჯეიმ ჩეპმანი, რომელიც თვითმფრინავის პილოტებს აეროპორტში დაშვებისას ლაზერს უნათებდა, დააპატიმრეს. ამერიკის მოქალაქე ლაზერით ასხივებდა აგრეთვე შერიფის ვერტმფრენსაც. სამართალდამცველთა მიერ გამოქვეყნებულ ვიდეოში ჩანს, თუ როგორ ისვრის აგრეთვე ჩაქუჩსა და სხვადასხვა ხელსაწყოებს პოლიციის საფრენი აპარატის მიმართულებით. ამის შესახებ წერს CNN-ი.

გავრცელებული ინფორმაციით, ბოროტმოქმედმა 4-ჯერ დაანათა ლაზერის სხივი აეროპორტის ტერიტორიიდან სხვადასხვა ტიპის თვითმფრინავებს. ერთ-ერთი პილოტის თქმით, მას შემდეგ რაც ჩეპმანმა ლაზერის სხივი თვალებში მიანათა, მას მხედველობის პრობლემები შეექმნა , რასაც შეეძლო, დაშვების დროს ავიაკატასტროფა გამოეწვია.

სამართალდამცავთა მიერ აღნიშნული დამნაშავე უკვე დაკავებულია და მას ბრალს წაუყენებენ რამდენიმე მუხლით.