რუსი სტენდაფ-კომიკოსი პუტინზე ხუმრობების გამო დაწყებული დევნის შემდეგ რუსეთიდან გაიქცა

მსოფლიო - 14:33, 26 Jan, 2020

1485

რუსმა სტენდაფ-კომიკოსმა ალექსანდრე დოლგოპოლოვმა პუტინზე ხუმრობების გამო პოლიციის მიერ მასზე გამოცხადებული ძებნის შემდეგ რუსეთი დატოვა.

პუტინი, კაბაევა, დონბასი, სირია, ცრუმორწმუნე-მორწმუნეები, ელექტორალური უმრავლესობის წარმომადგენლები - ეს ის თემებია, რომელზედავ კომიკოსი საჯარო გამოსვლების დროს ხშირად იყენებდა. პოლიტიკური სატირის გამო მისით პოლიცია დაინტერესდა. დოლგოპოლოვმა მოვლენების განვითარებას აღარ დაუცადა და ისრაელში გაიქცა.

მსახიობმა რუსეთში დაგეგმილი ყველა გამოსვლა გააუქმა და განაცხადა, რომ ურჩევნია მოვლენებს საზღვარგარეთიდან ადევნოს თვალყური. ამასტან იგი აცხადებს, რომ მისი წასვლით მსოფლიო კიდევ ერთხელ დაინტერესდება რუსეთში მიმდინარე აერადემოკრატიული პროცესებით.

პოლიციამ დოლგოპოლოვის საქმის განხილვა რუსეთში არსებული კანონის მიხედვით დაიწყო, რომლის თანახმადაც მორწმუნეთა გრძნობების შეურაცხყოფა დასჯადია, თუმცა რუსეთის საზოგადოება თვლის, რომ რელიგიური გრძნობები აქ არაფერ შუაშია და მსახიობს პოლიტიკური სატირის გამო დევნიან.

რუსეთში ამ საკითხისადმი დამოკიდებულება ორგვარია - ერთნი თვლიან რომ კომიკოსი უნდა დაისაჯოს, მეორენი კი სიტყვის თავისუფლების შეზღუდვაზე საუბრობენ.

"კომიკოსი პუტინზე ხუმრობდა... ხშირად კარგად, ხანდახან - არც ისე.

ახლა პუტინის ხუმრობის ჯერი დადგა... მაგრამ ალექსანდრე დოლგოპოლოვს არ ეხუმრებოდა და ქვეყნიდან დაახვია" - წერს სოციალური ქსელი ერთერთი მომხმარებელი.