ამერიკაში მიჩიგანელმა მამაკაცმა პატიოსნება თავისი ქმედებით დაამტკიცა- მას შემდეგ, რაც მეორადი ავეჯი შეიძინა, გასახსნელი ტახტის შიგნით აღმოაჩინა ათიათასობით ამერიკული დოლარი, რომელიც ავეჯის პატრონს სრულად დაუბრუნა.

ჰოვარდ ქირბიმ ტახტის შეძენის შემდეგ აღმოაჩინა, რომ მას სათანადოდ ვერ იყენებდა, რადგან ძალზე უცნაურად არაკომფორტული იყო მასზე დაჯდომა. ქირბის ქალიშვილმა ტახტის გახსნა გადაწყვიტა მისი შემსუბუქების მიზნით, რა დროსაც აღმოაჩინეს ათობით ათასი დოლარი. საერთო ჯამში, ქირბიმ და მისმა ქალიშვილმა ავეჯიდან 43, 170 $ ამოიღეს. მიუხედავად იმისა, რომ მიჩიგანელ მამაკაცს ადვოკატმა უთხრა, რომ არ იყო ვალდებული თანხა დაებრუნებინა, მან მორალურ მოვალეობად ჩათვალა მისი პატრონისთვის გადაეცა „დაკარგული“ თანხა.

ჰოვარდი ჰუმანიტარული მაღაზიის მეპატრონეს დაუკავშირდა , რა დროსაც გაირკვა,რომ ტახტი ეკუთვნოდა კიმ ნიუბერის, რომელმაც აჩუქა ავეჯი მეორადების მაღაზიას. აღნიშნული ტახტი გოგონას გადაეცა მემკვირდეობით ბებიასგან, რომელმაც საყოფაცხოვრებო ინვენტარში სიურპრიზად დამალა შვილიშვილისთვის განკუთვნილი თანხა საჩუქრად .

გოგონა გაოცებას არ მალავდა, როდესაც გაიგო, რომ ქირბი მისთვის თითოეული ცენტის დაბრუნებას აპირებდა- „ეს სიგიჟე და უბრალოდ გასაოცარია“.