რუმინეთში ფილარმონიული ორკესტრის 50 წევრი ჩინეთიდან დაბრუნდა. მუსიკოსები ჩინეთში ერთი თვის განმავლობაში იმყოფებოდნენ და დეკემბრის თვეში ქალაქ ვუჰანში ორი კონცერტი ჩაატარეს. ეს არის ქალაქი, სადაც 11 მილიონი ადამიანი ცხოვრობს და რომელიც იზოლირებულია კორონავირუსის გამო. ჩინეთის მთავრობის გადაწყვეტილებით კორონავირუსის გავრცელების შეკავებისა და დაავადების ლოკალიზების მიზნით ადგილობრივ მოსახლეობას ქალაქის დატოვება ეკრძალება.

ფილარმონიული ორკესტრის ხელმძღვანელი აღნიშნავს, რომ მისთვის გაუგებარია რატომ არ გაიარეს ჯგუფის წევრებმა სამედიცინო შემოწმება. „ყველასთვის ცნობილია, რომ ისინი ჩინეთიდან ჩამოვიდნენ, ისინი არ შეუმოწმებიათ არცერთ აეროპორტში, მათ შორის არც გერმანიაში“ - აღნიშნავს იოან გარბონი.