გენერალი ისმაილ ღაანი, რომელიც ირანის რევოლუციის დამცველთა კორპუსის ხელმძღვანელად ამერიკელთა მიერ ყასემ სოლეიმანის მკვლელობის შემდეგ დაინიშნა, აცხადებს, რომ იგი გააგრძელებს მისი წინამორმბედის მიერ არჩეულ კურსს.

ირანელი მაღალჩინოსანი სამხედროს განცხადებას გამოეხმაურა ამერიკის საგარეო პოლიტიკის სპეციალური წარმომადგენელი ირანის საკითხებში, ბრაიან ჰუკი, რომელმაც ღაანი გააფრთხილა, რომ სოლეიმანის ბედის გაეიმეორებს.

„თუ ღაანი იმავე გზას აირჩევს და გააგრძელებს ამერიკელების ხოცვას, იგი ალ-ქუდსის ყოფილი მეთაურის, ყასემ სოლეიმანის ბედს გაიზიარებს“ - განაცხადა ჰუკმა.

ამერიკელი დიპლომატის თქმით, ტრამპმა მკაფიოდ განაცხადა, რომ მომავალში ნებისმიერ ამერიკელზე ან ამერიკულ საგარეო ინტერესზე თავდასხმას აუცილებლად გაეცემა მკაცრი, გადამწყვეტი პასუხი-ისეთი როგორიც იყო 2 იანვარს, როდესაც სოლეიმანი ამერიკულმა საჰაერო ძალებმა დაბომბვისას მოკლეს.