მედიაში გამოქვეყნდა ოფიციალური დოკუმენტები იმასთან დაკავშირებით, თუ როგორ იშოვა დიდი ფული ანგოლის ყველაზე მდიდარმა ქალმა.

აღნიშნული ინფორმაციების საფუძველზე დადგინდა, რომ იზაბელ დოს სანტუშმა თავისი ქონება დააგროვა ხელსაყრელი და სარფიანი გარიგებების დადებით ნავთობზე, მიწებზე, ტელეკომუნიკაციებსა და ბრილიანტებზე, რომელიც გააფორმა მამამისის პრეზიდენტების დროს. ამის შესახებ წერს BBC-ი.

დოკუმენტები ცხადჰყოფს, თუ როგორ შეძლო დუშ სანტუშმა და მისმა ქმარმა სახელმწიფო ძვირფასეულობის აქტივების მისაკუთრება პირად მფლობელობაში. მილიარდერი აღნიშნულ ფაქტს უწოდებს სიცრუეს და ანგოლის მთავრობის მიერ პოლიტიკურად მოტივირებულს.

ყოფილი პრეზიდენტის ქალიშვილი ლონდონშიც ფლობს ძვირადღირებულ უძრავ ქონებებს.ანგოლის სამართალდამცავი უწყებების მიერ სისხლის სამართლებრივი გამოძიება მიმდინარეობს დუშ სანტუშზე კორუფციული გარიგებების გამო, რის გამოც ქვეყანაში მისი აქტივები გაყინეს. სანტუშმა BBC-სთან ინტერვიუში, რომელიც ლონდონში ჩაიწერა, ხაზი გაუსვა ფაქტს, რომ ანგოლაში დაბრუნების შემთხვევაში მისი სიცოცხლე შეიძლება საფრთხის ქვეშ აღმოჩნდეს.

შეგახსენებთ, რომ 2.2 $ მილიარდი დოლარის მფლობელმა ბიზნესვუმენმა არ გამორიცხა 2022 წლის საპრეზიდენტო არჩევნებში მონაწილეობა- იგი სწორედ მის პოლიტიკურ მიზნებს უკავშირებს ჩატარებულ გამოძიებას და სამართლებრივ უწყებებს პოლიტიკურად მოტივირებულობაში ადანაშაულებს.