ჩრდილოატლანიკური ალიანსის ყველაზე მასშტაბური სწავლება “DEFENDER EUROPE 2020” მომავალი კვირიდან აიღებს სტარტს, რომლის მიზანი იქნება ნატოს ერთობლივი სამხედრო ძალების მზადყოფნის შემოწმება. ამის შესახებ წერს REMIX-ი.

ამერიკისა და გერმანიის შეიარაღებული ძალების წარმომადგენელთა განცხადებით, „ევროპის მცველი 2020“ იქნება ბოლო 25 წლის განმავლობაში ყველაზე მასშტაბური სამხედრო სწავლება, რომელშიც ამერიკელი ჯარისკაცების ვრცელი შემადგენლობა იქნება წარმოდგენილი.

აღნიშნულ პროგრამაში ჩართული იქნება 18 ქვეყნის შეიარაღებული ძალები. გეგმის თანახმად, 20 000 ამერიკელი სამხედროს ტრანსპორტირება იგეგმება ამერიკიდან ევროპაში, რომელთა უმრავლესობა გაიგზავნება პოლონეთში. წვრთნაში მონაწილეობას მიიღებს 6000 საბრძოლო მანქანა, 1500 სატრანსპორტო და 2500 აღჭურვილობის მომმარაგებელი ე.წ კონტეინერები. ზემოხსენებული ტექნიკა პოლონეთში გაიგზავნე 90 სარკინიგზო მატარებლითა და 20 საზღვაო ხომალდით.

ამერიკელი ჯარისკაცები და მძიმე ტექნიკა თავდაპირველად გერმანიის, საფრანგეთისა და ნიდერლანდების პორტებში გადმოიტვირთება, საიდანაც გადანაწილდებიან პოლონეთსა და ბალტიის ქვეყნებში სარკინიგზო ან საავტომობილი გზების გამოყენების საშუალებით.

საერთო ჯამში წვრთნაში მონაწილეობას მიიღებს 37 000 სამხედრო, რომლებიც ჩაატარებენ სამხედრო მანევრებს თებერვლიდან ივნისის ბოლომდე. აღსანიშნავია, რომ წვრთნები ბალტიის ქვეყნების პარალელურად საქართველოშიც ჩატარდება