"დოიჩე ველეს" ინფორმაციით, ევროკავშირმა თურქეთს 2020 წლისთვის გათვალისწინებული ფინანსური დახმარება 75%-ით შეუმცირა.

გერმანული მედიასაშუალება წერს, რომ თურქეთი პროგრამის ფარგლებში 168 მილიონ ევროს მიიღებს, რომლიდანაც 150 მილიონი დემოკრატიის და სასამართლო სისტემის განვითარებას უნდა მოხმარდეს, 18 მილიონი კი სოფლების განვითარებისთვის გაითვალისწინეს.

მედიის ცნობით, ევროკავშირის გადაწყვეტილების ერთ-ერთი მიზეზი სირიაში თურქეთის ქმედებებია.