პანამაში შვიდი ადამიანი, ორსული ქალისა და მისი ხუთი შვილის ჩათვლით მოკლეს რელიგიური სექტის წარმომადგენლებმა რიტუალის დროს.

სამართალდამცავებმა გარდაცვლილთა სხეულები აღმოაჩინეს ადგილობრივთა სასაფლაოზე ნგაბე-ბუგლის რეგიონში. ამის შესახებ წერს DEUTSCHE WELLE.

გენერალური პროკურორის თქმით, მათ მიერ ჩატარებული სამძებრო საქმიანობების შედეგად აღმოჩენილ იქნა არასრულწოლვანთა გარდაცვლილი სხეულები, რომელთა ასაკი მერყეობდა ერთიდან ჩვიდმეტ წლამდე.

სამართალდამცავებმა სასაფლაოზე მიაკვლიეს მოკლულთა სხეულის ნაწილებს, რომელთა შესახებაც აცნობეს ადგილობრივებმა მთავრობის წარმომადგენლებს.

„ისინი სპეციალურ რიტუალს ახორციელებდნენ სალოცავში, სადაც ადამიანები მათი სურვილის საწინააღმდეგოდ, ძალდატანებით ჰყავდათ გამოკეტილები,- ამის შესახებ საუბრობს ბოკას-დელ-ტოროს პროვინციის მთავარი პროკურორი, რაფაელ ბალოიესი.

„ყველა ეს რიტუალი გამიზნული იყო იმისთვის, რომ მოეკლათ წინასწარგანსაზღვრული მსხვერპლები, თუ ისინი არ მოინანიებდნენ ცოდვებს“ ,- განაცხადა პროკურორმა, რომელმაც აღნიშნა რომ გამომძიებლებმა აღმოაჩინეს შემთხვევის ადგილას მაჩეტეები, დანები და სარიტუალოდ შეწირული თხის სხეულის ნარჩენები.

მკვლელობაში მონაწილეობასთან დაკავშირებით ათი ადამიანი იქნა დაკავებული პოლიციის მიერ.