თბილისში ბოლო 1 თვეში ცოფის ორი შემთხვევა დაფიქსირდა

საზოგადოება - 14:38, 16 Jan, 2020

1211

ცხოველთა მონიტორინგის სააგენტოს ინფორმაციით, თბილისში, ბოლო 2 თვეში ცოფის 2 შემთხვევა დაფიქსირდა. დაავადებული ძაღლები სოფელ დიღომსა და ვაზისუბნის დასახლებაში აღმოაჩინეს.

მათივე ცნობით, ცხოველები მუნიციპალურ თავშესაფარში გადაიყვანეს, სადაც ისინი ბუნებრივი სიკვდილით დაიხოცნენ.

„ცოფის ვირუსის გამოსავლენად, ცხოველების პათოლოგიური მასალა გადაიგზავნა სოფლის მეურნეობის სამინისტროს ლაბორატორიაში. მასალის კვლევის შედეგად დადასტურდა ცოფის ვირუსის არსებობა. აღსანიშნავია, რომ ვირუსი ორივე შემთხვევაში პატრონიან ძაღლს გამოუვლინდა,“ - წერია განცხადებაში.

ცხოველთა მონიტორინგის სააგენტო მოუწოდებს ცხოველების მეპატრონეებს, საკუთრებაში მყოფ შინაურ ცხოველებს (ძაღლი, კატა) ჩაუტარონ ანტირაბიული ვაქცინაცია, პირველ ჯერზე 3 თვის ასაკში და შემდეგ, ყოველწლიურად.

„განსაკუთრებით საყურადღებოა ანტირაბიული ვაქცინაციის დროულად ჩატარების აუცილებლობა მონადირე ჯიშის ძაღლების შემთხვევაში, რომლებიც უშუალო შემხებლობაში არიან გარეულ ცხოველებთან,“- აცხაებენ სპეციალისტები.

უწყების ინფორმაციით, 2019 წელს ცოფის ვურუსის ექვსი, ხოლო მიმდინარე წელს ერთი შემთხვევა გამოვლინდა.