რუსეთის ფედერაციის უმსხვილესმა პოლიტიკურმა პარტიამ , ” ერთიანმა რუსეთმა“- ერთხმად დაუჭირა მხარი მიხეილ მიშუსტინის კანდიდატურას პრემიერ-მინისტრის პოსტზე ,- განაცხადა სახელმწიფო არხზე აღნიშნულის შესახებ მმართველი პარტიის წარმომადგენელმა. ამის შესახებ წერს რია ნოვოსტი, რომლის მიერ გავრცელებული ინფორმაციის თანახმად, მიშუსტინის მთავრობის მეთაურად დანიშვნას დუმის 383-მა დეპუტატმა მისცა ხმა, 41-მა თავი შეიკავა, ხოლო წინააღმდეგ არც ერთი წასულა.

პრეზიდენტმა ვლადიმერ პუტინმა კონსტიტუციაში მოსალოდნელი ცვლილებების შესახებ 2020 წლის 15 იანვარს ფედერალური ასამბლეის წინაშე გამოსვლისას ისაუბრა. მან ხაზგასმით აღნიშნა და დაანონსა სახელმწიფო დუმისთვის უფლებამოსილებების დამატების შესახებ, რომლის თანახმადაც მათ გადაეცემათ პრეროგატივა პრემიერ-მინისტრის თანამდებობაზე დამტკიცების შესახებ.

საჯარო გამოსვლის შემდეგ პრეზიდენტმა მთავრობა დაითხოვა და პრემიერ-მინისტრის კანდიდატურაზე ფედერალური საგადასახადო სამსახურის უფროსი, მიშუსტინი შესთავაზა პარლამენტს.

გავრცელებული ინფორმაციით, ახალი პრემიერი მთავრობაში მნიშვნელოვან ცვლილებებს აპირებს. დაანონსებული გადანაცვლებების თანახმად, პრეზიდენტის უფლებამოსილებათა ნაწილი პარლამენტს გადაეცემა, რუსეთის ტერიტორიაზე კი საერთაშორისო სამართალზე მეტად პრიორიტეტული რუსეთის სასამართლოს მიერ მიღებული გადაწყვეტილებები იქნება.