ისრაელმა დაიწყო ბუნებრივი აირის ექსპორტი ეგვიპტეში, რომლითაც იწყებს 19.5$ მილიარდ დოლარიანი ხელშეკრულებით ნაკისრი ვალდებულებების შესრულებას.

გავრცელებული ინფორმაციის თანახმად, გაზის გადაქაჩვა ეგვიპტეში მოხდება ისრაელის ტერიტორიულ წყლებიდან, ზღვაში არსებული ნავთობის საბადოებიდან- ლევიათანიდან და თამარიდან. ამის შესახებ წერს არაბული მედია.

იერუსალიმისა და კაიროს ენერგორესურსების მინისტრებმა ერთობლივი განცხადებებით შეაფასეს არსებული გადაწყვეტილება და აღნიშნულ თანამშრომლობას ისტორიული უწოდეს მას შემდეგ, რაც ორ ქვეყანას შორის დაიდო სამშვიდობო ხელშეკრულება.

ისრაელის ენერგო მინისტრის განცხადებით, ზემოხსენებული მოვლენა საშუალებას მისცემს ისრაელს მოახდინოს საკუთარი ბუნებრივი აირის ექსპორტი აფრიკის კონტინენტზე ეგვიპტის ნავთოგადამამუშავებელი სადგურების მეშვეობით, რომელიც აგრეთვე ხელს შეუწყობს ქვეყანას, გახდეს გაზის რეგიონალური ცენტრი.

შეთანხმების თანახმად, ისრაელი ყოველდღიურად მოახდენს ეგვიპტეში 200 მილიონი კუბური მეტრი გაზის ექსპორტირებას- წყალქვეშა გაზსადენით დაიწყება ენერგორესურსის ტრანზიტი, რომელიც ერთმანეთთან დააკავშირებს ისრაელსა და ეგვიპტეს სინას ნახევარკუნძულით.

შეგახსენებთ, რომ ბუნებრივი აირი ისრაელში არის ენერგიის ძირითადი წყარო. ებრაელებმა აღნიშნული ენერგორესურსის წარმოება ზღვაში არსებული თავიანთი საბადოებიდან დაიწყეს 2004 წლიდან. 2014 წელს ისრაელმა აწარმოა 7.5 მილიარდი კუბური მეტრის მოცულობის ნავთობი. 2016 წლის მონაცემებით კი ისრაელს ოფიციალურად გააჩნია 199 მილიარდი კუბური მეტრი გაზის მარაგები. 2017 წლიდან ოფიციალურმა იერუსალიმმა იორდანიის სამეფოში დაიწყო გაზის ტრანსპორტირება.