ჩინეთში გარდაიცვალა 24 წლის გოგო, რომელიც სიკვდილამდე 20 კილოგრამზე ოდნავ მეტს იწონიდა. ამის მიზეზი საკვების უკმარისობა იყო - გოგო მრავალი წლის განმავლობაში დღიურად მხოლოდ 0.30 დოლარის საკვებს იღებდა, რათა ძმას დახმარებოდა. ამის შესახებ ინფორმაციას BBC ავრცელებს.

უ ჰუიანი საავადმყოფოში სუნთქვის პრობლემების გამო 2019 წლის ოქტომბერში მოხვდა. მის დასახმარებლად დონაციები გაკეთდა, თუმცა როგორც მისმა ძმამ მედიას უთხრა, გოგო ორშაბათს გარდაიცვალა.

და-ძმა ღარიბ ოჯახში დაიბადა, მათ დედა მაშინ დაკარგეს, როცა გოგო 4 წლის იყო, ხოლო მამა მაშინ გარდაეცვალა როცა მოსწავლე იყო. და-ძმას მხოლოდ ბებია ეხმარებოდა და თვეში 300 იუანს აწვდიდა. თანხის დიდი ნაწილი პატარა ძმის სამედიცინო ხარჯებზე მიდიოდა, რომელსაც მენტალური ჯანმრთელობის პრობლემები აქვს. საბოლოოდ, ჯამში უ ჰუიანი თავის თავზე დღეში მხოლოდ 2 იუანს ხარჯავდა (0.30 დოლარი) - წლების განმვლობაში იკვებობდა მხოლოდ ბრინჯით და მწარე წიწაკით. ის სიმაღლეში მხოლოდ 135 სანტიმეტრი იყო.