ქართული ოცნების წევრმა, რომან კაკულიამ ტელეკომპანია რუსთავი 2-ისთვის მიცემულ ინტერვიუში HUMAN RIGHT WATCH-ის მიერ გამოქვეყნებულ ანგარიშზე ისაუბრა და ორგანიზაციის კრიტიკულ შეფასებაში ქართული ოპოზიციური პოლიტიკური პარტიების ჩართულობის კვალი აღმოაჩინა.

"არიან ისეთი ტიპის პოლიტიკოსები, რომლებიც საკუთარ თავს პოლიტიკოსებს უწოდებენ. საზოგადოებაში ავტორიტეტის დაბრუნებით კი არ ცდილობენ ხელისუფლებაში დაბრუნებას, არამედ ყველაფერს აკეთებენ იმისთვის, რომ ქვეყნის ხელისუფლების იმიჯი გაანულონ ნებისმიერი მეთოდებით. მე, სამწუხაროდ, ამ პრინციპს ვიცნობ, ამ ვერტიკალს ვიცნობ და შემიძლია რამდენიმე ადამიანი წარმოგიდგინოთ კიდევაც, თუ რა ტექსტით მიიღო მონაწილეობა ამ ანგარიშის ფორმირებაში“ ,- განაცხადა რომან კაკულიამ.