ამერიკის შეერთებული შტატების ელჩი საქართველოში, ელისაბედ რუდი ეხმაურება ოკუპირებულ ცხინვალში ბორდერიზაციის პროცესის განახლებას და შეშფოთებას გამოთქვამს საოკუპაციო ხაზთან დაძაბული მდგომარეობის გამო.

„შემაშფოთებელია ახალი მავთულხლართების გავლება იმ ადგილებზე, რომელსაც თბილისი დიდი ხანია აკონტროლებს. რა თქმა უნდა ეს ორივე მხარის ჰუმანიტარულ სიტუაციას კიდევ უფრო აუარესებს და მოსახლეობას ყველა მიმართულებით სიძნელეებს უქმნის.

ამერიკის შეერთებული შტატები კვლავ მოუწოდებს ცხინვალის დე ფაქტო ხელისუფლებას გახსნას ე.წ. გამშვები პუნქტები ე.წ. დმინისტრაციულ სასაზღვრო ხაზზე და ადგილობრივ მოსახლეობას მისცეს თავისუფალი გადაადგილების, სამედიცინო დახმარების მიღებისა და თავისუფალი ცხოვრების საშუალება“ ,- განაცხადა რუდიმ