აშშ-ში, ალასკაზე გადაარჩინეს მამაკაცი, რომელმაც 22 დღე ყინვაში გაატარა. ამის შესახებ ინფორმაციას ავრცელებს CBSNEWS-ი.

გავრცელებული ინფორმაციით, 30 წლის ტაისონ სტილი ალასკის შტატის სამხედროებმა იპოვეს ვერტმფრენიდან მას შემდეგ, რაც მამაკაცის მიერ თოვლში დაწერილი საგანგებო დახმარების სიგნალის შესახებ არსებული წარწერა „SOS“ აღმოაჩინეს. მედიაში გავრცელებული ცნობით ირკვევა, რომ ტაისონ სტილს დაეწვა სახლი, რა დროსაც მისი ძაღლის გარდაიცვალა. აღნიშნული ფაქტის შემდეგ მამაკაცი სრულიად მოწყვეტილი აღმოჩნდა საკომუნიკაციო საშუალებებს.

მას შემდეგ, რაც ოჯახის წევრებმა რამდენიმე დღის განმავლობაში ვერ მოახერხეს დაკავშირება ტაისონთან, მათ განაცხადეს პოლიციაში, რის შემდეგადაც დაიწყო სამძებრო სამუშაოები. მამაკაცის თქმით, იგი შიმშილს დაკონსერვებულმა საკვებმა გადაარჩინა, რომლის მარაგიც უკვე თითქმის გამოელია.