კლუბ „ბასიანთან“ სროლის დროს დაჭრილი სამი პირიდან ორი მკურნალობას აგრძელებს, ერთის მდგომარეობა კი დამაკმაყოფილებელია და სამედიცინო დაწესებულებიდან მალე გაწერენ.

ალადაშვილის კლინიკის რეანიმატოლოგის, სულხან სამხარაძის თქმით, ქირურგიული ჩარევა ორ პაციენტს დასჭირდა, მათ ჭრილობები ქვედა კიდურებზე აღენიშნებათ.

„სასწრაფო დახმარების ბრიგადამ შემოიყვანა სამი პაციენტი, ერთი ახალგაზრდა ქალბატონი და ორი მამაკაცი. მათ აღენიშნებოდათ ცეცხლნასროლი ჭრილობები კიდურებზე, სხეულის სხვადასხვა მიდამოებში. ორი მათგანი აგრძელებს ამჟამად სტაციონალურ მკურნალობას, ერთის მდგომარეობა დამაკმაყოფილებელია და რამდენიმე საათში დატოვებს კლინიკას. საშუალო სიმძიმის მდგომარეობებია. ორ მამაკაცს ქვედა კიდურებში აქვს დაზიანება, ერთი ახალგაზრდა მამაკაცი დაჭრილია ზურგის მიდამოში. ახალგაზრდა მამაკაცს შინაგანი ორგანოები დაზიანებული არ აქვს და კლინიკას რამდენიმე საათში დატოვებს. ქირურგიული ჩარევა დასჭირდა ორ პაციენტს, რომელსაც ჰქონდა კიდურებზე ჭროლობები. ჯერჯერობით გართულებებს არ ველოდებით“ ,- განაცხადა სულხან სამხარაძემ.