ირანმა ოთხშაბათს დილით თეირანში შეცდომით ჩამოაგდო უკრაინული სამგზავრო ავიალაინერი ანტისაჰაერო რაკეტის გამოყენებით, რომლის შედეგადაც გარდაიცვალა ბორტზე მყოფი 176ივე ადამიანი,- ამის შესახებ ინფორმაციას BBC ავრცელებს.

აღნიშნული ფაქტი დაადასტურა აგრეთვე ამერიკის შეერთებული შტატების მთავრობამაც- ისინი დარწმუნებული არიან, რომ BOEING 737-800 ნამდვილად ჩამოვარდნილი საზენიტო სისტემის რაკეტით.

შეგახსენებთ, რომ 8 იანვარს გამთენიისას ირანში ბოინგ 737-ის ტიპის სამოქლაქო ავიალაინერი, რომელზეც 176 მგზავრი იმყოფებოდა ხომეინის საერთაშორისო აეროპორტში აფრენიდან რამდენიმე წუთში ჩამოვარდა- ბორტზე მყოფი ყველა ადამიანი გარდაიცვალა.

ინტერნეტში ვრცელდება რაკეტის საეჭვო ნამსხვრევების ამსახველი ფოტოები, რომელიც უკრაინული თვითმფრინავის ავიაკატასტროფის ადგილზე იქნა აღმოჩენილი. ექსპერტთა შეფასებით ფოტოზე ასახულია TOR M1-ის ანტისაჰაერო კომპლექსის 9M331-ის ტიპის რაკეტის ცხვირის კონუსის ფორმის ნამსხვრევი.

აღნიშნულ ფაქტს აგრეთვე გამოეხმაურა დონალდ ტრამპიც: „მე გამაჩნია ჩემი ეჭვები თვითმფრინავთან დაკავშირებით. ვიღაცამ შეცდომით ჩამოაგდო იგი ანტისაჰაერო რაკეტით“.