სასექსის ჰერცოგმა და ჰერცოგინიამ, პრინცმა ჰარიმ და მეგან მარკლიმ ოფიციალური განცხადება გაავრცელეს, სადაც აღნიშნულია, რომ წყვილი სამეფო კარის მოვალეობების შესრულებაზე უარს ამბობს.

"ბიბისის" ცნობით, მეგანი და ჰარი აპირებენ თავიანთი დრო დიდ ბრიტანეთსა და ჩრდილოეთ ამერიკას შორის გაანაწილონ.

განცხადებაში ასევე აღნიშნულია, რომ წყვილი საქველმოქმედო ორგანიზაციის შექმნას აპირებს.

"გადავწყვიტეთ სამეფო საქმეებს, სამეფო ოჯახის წევრების სტატუსით ჩამოვშორდეთ და ვიმუშაოთ იმაზე, რომ გავხდეთ ფინანსურად დამოუკიდებლები. სწორედ თქვენი მხარდაჭერით, მივხვდით, რომ მზად ვართ ასეთი ცვლილებისთვის. ეს ნაბიჯი დაგვეხმარება, რომ ჩვენი შვილი გავზარდოთ სამეფო ტრადიციების მიხედვით და პარალელურად, ჩვენს ოჯახს ცხოვრების ახალ ეტაპზე გადასვლის საშუალებას მისცემს. ამავდროულად, რა თქმა უნდა, ჩვენი ოჯახი სრულიად უჭერს მხარს დედოფალ ელოზაბეტს. მოუთმენლად ველით შესაძლებლობას, გაგიზიაროთ მეტი სიახლე. მანამდე კი მადლობას გიხდით მხარდაჭერისთვის" - აღნიშნულია განცხადებაში.