ამერიკის შეერთებული შტატების პრეზიდენტმა დონალდ ტრამპმა ირანის მიერ ერაყში, აშშ-ს სამხედრო ბაზებზე სარაკეტო თავდასხმის შესახებ თეთრს სახლში საგანგებო განცხადება გააკეთა.

აშშ-ს პრეზიდენტის თქმით ირანის იერიშის დროს არც ერთი ამერიკელი სამხედრო არ დაშავებულა.

"სანამ მე ამერიკის შეერთებული შტატების პრეზიდენტი ვარ, ირანს არასდროს მიეცემა ატომური იარაღის ქონის უფლება. დილა მშვიდობისა. მოხარული ვარ, გაცნობოთ, რომ ამერიკელი ხალხი უკიდურესად მადლიერი და ბედნიერი უნდა იყოს - ამერიკელები ირანის რეჟიმის წუხანდელი შეტევის დროს არ დაშავებულან. ჩვენ დანაკარგები არ განგვიცდია, ყველა ჩვენი ჯარისკაცი უსაფრთხოდაა, ჩვენს სამხედრო ბაზებს კი მხოლოდ მინიმალური ზიანი მიადგა" - განაცხადა ტრამპმა.