თეირანის ქუჩებში მოსახლეობამ ამერიკის ბაზების დაბომბვა იზეიმა. მოქალაქეებს ხელში ყასიმ სოლეიმანის პლაკატები ეკავათ, რა დროსაც ულოცავდნენ ერთმანეთს შურისძიების აქტის განხორციელებას და ამერიკული საჯარისო შენაერთების მისამართით ბალისტიკური რაკეტების გაშვებას. ამის ამსახველი ვიდეო კადრები TWITTER-ზე ვრცელდება.

შეგახსენებთ, რომ 8 იანვარს გამთენიისას ორი ამერიკული ბაზა დაიბომბა ირანული სარაკეტო იერიშის შედეგად- გამოყენებულ იქნა საშუალო მანძილზე მოქმედი ბალისტიკური რაკეტები. ირანული მედიის ინფორმაციით თავდასხმის დროს გარდაიცვალა 80 ამერიკელი სამხედრო. პენტაგონში კი უარყოფენ ჯარისკაცების გარდაცვალებას და აღნიშნავენ, რომ შეტევის შედეგად არც ერთი მომსახურე პერსონალთაგანი არ დაშავებულა.